రామ్ చరణ్ ‘పెద్ది’ నుంచి బిగ్గెస్ట్ మాస్ సాంగ్ ‘హల్లల్లల్లో’ రిలీజ్

మెగా పవర్ స్టార్ Ram Charan నటిస్తున్న ‘పెద్ది’ సినిమా ఇప్పటికే దేశవ్యాప్తంగా భారీ అంచనాలను సొంతం చేసుకుంది. దర్శకుడు Buchi Babu Sana తెరకెక్కిస్తున్న ఈ రూరల్ యాక్షన్ డ్రామా నుంచి తాజాగా విడుదలైన ‘హల్లల్లల్లో’ పాట ప్రేక్షకుల్లో మరింత క్రేజ్‌ను పెంచుతోంది. సంగీత దిగ్గజం A. R. Rahman స్వరపరిచిన ఈ పాట మాస్ బీట్స్, జానపద టచ్, పవర్‌ఫుల్ రిథమ్‌తో మొదటి వినిపించుకే ఆకట్టుకుంటోంది. ఇప్పటికే విడుదలైన రెండు పాటలు చార్ట్‌బస్టర్స్‌గా నిలవగా, ‘హల్లల్లల్లో’ కూడా అదే జోష్‌ను కొనసాగిస్తూ సోషల్ మీడియాలో వైరల్ అవుతోంది. అనంత శ్రీరామ్ రాసిన మాస్ సాహిత్యం పాటకు ప్రత్యేకమైన నేటివిటీని తీసుకురాగా, గాయని Rakshita Suresh తన ఎనర్జిటిక్ వాయిస్‌తో పాటను మరో స్థాయికి తీసుకెళ్లారు. విజువల్‌గా కూడా ఈ పాట ఓ గ్రాండ్ ఫీస్ట్‌లా కనిపిస్తోంది. భారీ సెట్స్‌లో చిత్రీకరించిన ఈ సాంగ్‌లో రామ్ చరణ్ తన స్టైలిష్ లుక్, ఎనర్జిటిక్ డ్యాన్స్‌తో ప్రేక్షకులను మెస్మరైజ్ చేయగా, Shruti Haasan, Janhvi Kapoor తమ గ్లామర్, స్క్రీన్ ప్రెజెన్స్‌తో ప్రత్యేక ఆకర్షణగా నిలిచారు. ప్రతి ఫ్రేమ్‌లో కనిపించే గ్రాండియర్, కలర్‌ఫుల్ విజువల్స్, మాస్ ఎలిమెంట్స్ కలిసి ‘హల్లల్లల్లో’ను పూర్తి స్థాయి థియేట్రికల్ సెలబ్రేషన్ సాంగ్‌గా మార్చేశాయి. జూన్ 4న విడుదలకు సిద్ధమవుతున్న ‘పెద్ది’పై ఈ పాట అంచనాలను మరింతగా పెంచుతూ, థియేటర్లలో విజిల్స్, క్లాప్స్‌తో మార్మోగే మాస్ యాంథమ్‌గా మారే సూచనలు కనిపిస్తున్నాయి.