‘సందిగ్ధం’ అందరినీ ఆకట్టుకుంటుంది : దర్శకుడు పార్ధసారథి

తెలుగు చిత్ర పరిశ్రమలో కొత్త కథలు, థ్రిల్లింగ్ కాన్సెప్ట్స్‌తో వస్తున్న చిన్న సినిమాలు ప్రేక్షకుల దృష్టిని ఆకర్షిస్తున్నాయి. అలాంటి ప్రయత్నాల్లో భాగంగా తెరకెక్కిన ‘సందిగ్ధం’ సినిమా కూడా ఆసక్తికరమైన కంటెంట్‌తో ప్రేక్షకుల ముందుకు రానుంది. ఇప్పటికే విడుదలైన పోస్టర్లు, టీజర్‌కు వచ్చిన స్పందనతో సినిమాపై మంచి అంచనాలు ఏర్పడ్డాయి. తాజాగా విడుదలైన ట్రైలర్ కూడా కథలో సస్పెన్స్, థ్రిల్లింగ్ ఎలిమెంట్స్ ఉండబోతున్నాయనే సంకేతాలు ఇచ్చింది. దర్శకుడు పార్థసారధి కొమ్మోజు తన టీమ్‌తో కలిసి కష్టపడి సినిమాను తెరకెక్కించిన తీరు ట్రైలర్ లాంచ్ కార్యక్రమంలో స్పష్టంగా కనిపించింది. కొత్త నటీనటులతో పాటు అనుభవం ఉన్న ఆర్టిస్టులను కలిపి రూపొందించిన ఈ చిత్రం మే 29న ప్రేక్షకుల ముందుకు రానుండగా, నటీనటులందరూ సినిమా విజయంపై విశ్వాసం వ్యక్తం చేయడం విశేషం. ముఖ్యంగా విలన్ పాత్రలో నవీన్ సంకరపు కనిపించబోతుండటం, గౌతమ్ రవిరామ్ అందించిన సంగీతం, బ్యాక్‌గ్రౌండ్ స్కోర్ సినిమాకు ప్రధాన బలాలుగా నిలిచే అవకాశముంది. చిన్న సినిమాలకు మంచి కంటెంట్ ఉంటే ప్రేక్షకులు తప్పకుండా ఆదరిస్తారనే నమ్మకంతో వస్తున్న ‘సందిగ్ధం’ విడుదల తర్వాత ఎలాంటి స్పందన అందుకుంటుందో చూడాలి.