యామీ గౌతమ్ ‘నయ్యి నవెల్లి’.. దసరాకు థియేటర్లలో సందడి!

‘నయ్యి నవెల్లి’తో దసరాకు ఫ్యామిలీ ఫన్.. యామీ గౌతమ్‌ ఫాంటసీ కామెడీపై ఆసక్తి!

ఈ దసరా పండుగకు ఫ్యామిలీ ఆడియన్స్‌ను అలరించేందుకు సరికొత్త ఫాంటసీ కామెడీ చిత్రం ‘నయ్యి నవెల్లి’ సిద్ధమవుతోంది. అమెజాన్ ఎంజీఎం స్టూడియోస్, కలర్ ఎల్లో సంస్థలు సంయుక్తంగా ఈ చిత్రాన్ని ప్రకటించాయి. యామీ గౌతమ్ ధార్ ప్రధాన పాత్రలో నటిస్తున్న ఈ సినిమాకు బాలాజీ మోహన్ దర్శకత్వం వహిస్తున్నారు. ఆనంద్ ఎల్ రాయ్, హిమాన్షు శర్మ నిర్మిస్తున్న ఈ చిత్రానికి హిమాన్షు శర్మ, దివ్య నిధి శర్మ కథ అందించగా.. జి.వి. ప్రకాష్ కుమార్ సంగీతం సమకూరుస్తున్నారు.

మీరట్‌లోని ఓ చలాకీ కుటుంబంలోకి కొత్తగా కోడలు అడుగుపెట్టడంతో కథ మొదలవుతుంది. ఆమె రాకతో ఇంట్లో సందడి పెరుగుతుంది. అయితే ఎంతో పర్ఫెక్ట్‌గా కనిపించే తన వదిన నిజానికి ఓ మాంత్రికురాలు కావచ్చనే అనుమానం మరిదికి మొదలవుతుంది. ఆ తర్వాత ఇంట్లో చోటుచేసుకునే వింత సంఘటనలు, గందరగోళం, నవ్వులు, సాహసాలు సినిమాకు ప్రధాన ఆకర్షణగా నిలవనున్నాయి. హాస్యం, ఫాంటసీ, అడ్వెంచర్‌ను కలిపిన ఈ కథకు యామీ గౌతమ్ పర్ఫెక్ట్ ఛాయిస్ అని నిర్మాతలు చెబుతున్నారు. కుటుంబమంతా కలిసి థియేటర్లలో ఎంజాయ్ చేసేలా పండుగ వాతావరణాన్ని ప్రతిబింబించే ఈ చిత్రం 2026 అక్టోబర్ 16న దేశవ్యాప్తంగా గ్రాండ్‌గా విడుదల కానుంది. దసరా సెలవుల్లో ఫ్యామిలీ ఆడియన్స్‌కు ‘నయ్యి నవెల్లి’ మంచి వినోదాన్ని అందిస్తుందనే అంచనాలు నెలకొన్నాయి.