హోమ్ సర్వీసెస్ రంగంలోకి కాప్స్టన్.. బ్రాండ్ అంబాసిడర్‌గా అక్కినేని నాగార్జున

హైదరాబాద్ వేదికగా కాప్స్టన్ హోమ్ సర్వీసెస్ ప్రైవేట్ లిమిటెడ్ తన కొత్త కన్స్యూమర్ హోమ్ సర్వీసెస్ యాప్‌ను ఘనంగా ప్రారంభించింది. ప్రముఖ నటుడు అక్కినేని నాగార్జున ముఖ్య అతిథిగా పాల్గొని యాప్‌ను లాంచ్ చేయడంతో పాటు సంస్థ బ్రాండ్ అంబాసిడర్‌గా బాధ్యతలు స్వీకరించారు. రెండు దశాబ్దాలకు పైగా మానవ వనరుల పరిష్కారాల రంగంలో సేవలందిస్తున్న కాప్స్టన్.. తన అనుభవం, నైపుణ్యం, ప్రొఫెషనలిజాన్ని ఇప్పుడు వినియోగదారుల గృహ సేవలకు అందించేందుకు ఈ కొత్త విభాగాన్ని ప్రారంభించింది.

ఈ కార్యక్రమంలో కాప్స్టన్ సర్వీసెస్ లిమిటెడ్ చైర్మన్ డా. సి.ఆర్. నాయుడు, మేనేజింగ్ డైరెక్టర్ శ్రీ శ్రీకాంత్ కోడాలితో పాటు సంస్థ సీనియర్ నాయకత్వ బృందం, పరిశ్రమ భాగస్వాములు, మీడియా ప్రతినిధులు పాల్గొన్నారు. ఈ సందర్భంగా శ్రీ శ్రీకాంత్ కోడాలి మాట్లాడుతూ.. భారతదేశంలో అత్యంత విశ్వసనీయమైన హోమ్ సర్వీసెస్ బ్రాండ్‌గా ఎదగడమే తమ లక్ష్యమని తెలిపారు. హైదరాబాద్‌ను తొలి అడుగుగా చేసుకున్నామని, త్వరలో ముంబై, ఢిల్లీ, బెంగళూరు తదితర ప్రధాన నగరాలకు సేవలను విస్తరించనున్నట్లు వెల్లడించారు.

కాప్స్టన్ హోమ్ సర్వీసెస్ యాప్ ద్వారా క్లీనింగ్, ఎలక్ట్రికల్, ప్లంబింగ్, కార్పెంటరీ, పెయింటింగ్, ఏసీ సర్వీసులు, పెస్ట్ కంట్రోల్, బ్యూటీ అండ్ వెల్నెస్, గృహోపకరణాల మరమ్మతులు వంటి పలు సేవలను సులభంగా బుక్ చేసుకోవచ్చు. వెరిఫైడ్ ప్రొఫెషనల్స్, పారదర్శక ధరలు, అనుకూలమైన సమయ ఎంపిక వంటి సదుపాయాలను సంస్థ అందిస్తోంది. దేశవ్యాప్తంగా నాణ్యమైన, నమ్మకమైన హోమ్ సర్వీసులను అందించడంతో పాటు వేలాది మంది సర్వీస్ ప్రొఫెషనల్స్‌కు ఉపాధి అవకాశాలు కల్పించడమే తమ లక్ష్యమని శ్రీకాంత్ కోడాలి తెలిపారు.