కిరణ్ అబ్బవరం ‘చెన్నై లవ్ స్టోరీ’ నుంచి ‘జిగితార..’ సాంగ్ రిలీజ్

హీరో కిరణ్ అబ్బవరం “చెన్నై లవ్ స్టోరీ” మూవీ నుంచి మరో సెన్సేషనల్ సాంగ్ ‘జిగితార..’ వచ్చేసింది. శనివారం సాయంత్రం తిరుపతిలో జరిగిన గ్రాండ్ మ్యూజికల్ ఫెస్ట్ లో ఈ పాటను రిలీజ్ చేశారు. ‘జిగితార..’ పాటకు అనంత శ్రీరామ్ బ్యూటిఫుల్ లిరిక్స్ అందించగా, సింగర్ కార్తీక్ లవ్ ఫీల్ ప్రతిధ్వనించేలా పాడారు. ‘మెలొడీ బ్రహ్మ’ మణిశర్మ తనదైన శైలిలో, తనకే సొంతమైన బాణీలో వినసొంపుగా కంపోజ్ చేశారు.

‘జిగితార..’ పాట ఎలా ఉందో చూస్తే – ‘జిగితార..జిగితార..దిగినావా మనసారా, ఆకసాన్ని వీడి ఈ ఆకతాయికై భూమి చేరినావు నా మౌన దేవతై, బతకాలనున్నదే ఇక నీకు బానిసై, ప్రతి రోజు నీకిలా సేవ సేయడానికై..’ అంటూ ప్రేయసి కోసం ఏదైనా చేసే ప్రేమికుడి మనసుకు అద్దం పడుతూ ఆకట్టుకునేలా సాగుతుందీ పాట

“చెన్నై లవ్ స్టోరీ” సినిమాలో శ్రీ గౌరి ప్రియ హీరోయిన్ నటిస్తోంది. “కలర్ ఫొటో”, “బేబి” వంటి కల్ట్ క్లాసిక్ మూవీస్ ప్రేక్షకులకు అందించిన మేకర్స్ ఎస్ కేఎన్, సాయి రాజేశ్ కాంబినేషన్ లో ఈ సినిమా రూపొందుతోంది. ఈ చిత్రాన్ని అమృత ప్రొడక్షన్స్, మాస్ మూవీ మేకర్స్ బ్యానర్స్ పై ఎస్ కేఎన్, సాయి రాజేశ్ నిర్మిస్తున్నారు. సాయి రాజేశ్ కథను అందించగా రవి నంబూరి దర్శకత్వం వహిస్తున్నారు. ప్రస్తుతం “చెన్నై లవ్ స్టోరీ” సినిమా పోస్ట్ ప్రొడక్షన్ కార్యక్రమాలు ఫుల్ స్వింగ్ లో జరుగుతున్నాయి. జూలైలో ఈ చిత్రాన్ని గ్రాండ్ థియేట్రికల్ రిలీజ్ కు తీసుకొచ్చేందుకు మేకర్స్ ప్లాన్ చేస్తున్నారు.