ఖమ్మంలో ప్రారంభమైన లాడియా 7వ ల్యాబ్-గ్రోన్ డైమండ్ జ్యువెలరీ స్టోర్

వినూత్న ఆభరణాల ప్రపంచంలో వేగంగా గుర్తింపు పొందుతున్న ల్యాబ్-గ్రోన్ డైమండ్ జ్యువెలరీ బ్రాండ్ లాడియా (LADIA) తెలంగాణలో తన విస్తరణను మరింత బలోపేతం చేస్తూ ఖమ్మంలో ఏడో షోరూమ్‌ను ప్రారంభించింది. ప్రముఖ నటి నేహా శెట్టి చేతుల మీదుగా ఘనంగా ప్రారంభమైన ఈ స్టోర్, ల్యాబ్-గ్రోన్ డైమండ్ జ్యువెలరీ రంగంలో కొత్త ప్రమాణాలను నెలకొల్పాలనే లక్ష్యంతో ముందుకు సాగుతోంది. “డైమండ్స్ అందరికీ” అనే భావనతో ప్రారంభమైన లాడియా, నాణ్యత, విశ్వసనీయత మరియు అందుబాటు ధరలను ప్రధానంగా తీసుకుని వినియోగదారులకు విభిన్నమైన ఆభరణాలను అందిస్తోంది.

ఈ సందర్భంగా లాడియా డైరెక్టర్ అఖిల్ వేములూరి మాట్లాడుతూ, భారతదేశంలో ల్యాబ్-గ్రోన్ డైమండ్ రంగం వేగంగా అభివృద్ధి చెందుతోందని, ఆ అభివృద్ధిలో భాగస్వామ్యం కావడమే కాకుండా కొత్త ఆవిష్కరణలకు కూడా తమ సంస్థ కట్టుబడి ఉందని తెలిపారు. ఖమ్మం వంటి ప్రధాన జ్యువెలరీ మార్కెట్‌లో తమ ఏడో స్టోర్‌ను ప్రారంభించడం ఆనందంగా ఉందన్నారు. సహజ వజ్రాలకు సమానమైన నాణ్యత, మెరుపు, ఆప్టికల్ లక్షణాలు కలిగిన ల్యాబ్-గ్రోన్ డైమండ్లు ప్రస్తుతం ప్రపంచవ్యాప్తంగా ఆదరణ పొందుతున్నాయని పేర్కొన్నారు.

లాడియా స్టోర్‌లో బంగారు ఆభరణాలతో రూపొందించిన డైమండ్ జ్యువెలరీతో పాటు సాలిటైర్స్, నెక్లెస్‌లు, హారాలు, గాజులు, పెండెంట్లు, బ్రేస్‌లెట్లు, ఉంగరాలు, జుంకాలు మరియు ప్రత్యేక పోల్కీ కలెక్షన్లు అందుబాటులో ఉన్నాయి. అంతేకాకుండా వినియోగదారుల అభిరుచులకు అనుగుణంగా కస్టమైజ్డ్ డిజైన్లను రూపొందించే ప్రత్యేక సదుపాయం కూడా కల్పిస్తోంది. ప్రతి డైమండ్‌కు అంతర్జాతీయ ప్రమాణాలతో గుర్తింపు పొందిన ఐజీఐ (IGI) ధృవీకరణ పత్రం అందించడం లాడియా ప్రత్యేకతగా నిలుస్తోంది.

అందుబాటు ధరల్లో ప్రీమియం డైమండ్ జ్యువెలరీని అందించాలనే లక్ష్యంతో ప్రతి క్యారెట్ డైమండ్ ధరను రూ.24,999 నుంచే ప్రారంభిస్తున్న లాడియా, పాత బంగారంపై పూర్తి విలువతో గోల్డ్ ఎక్స్చేంజ్ సదుపాయాన్ని కూడా అందిస్తోంది. స్టోర్ ప్రారంభోత్సవాన్ని పురస్కరించుకుని సాలిటైర్ డైమండ్స్‌పై ఫ్లాట్ 25 శాతం డిస్కౌంట్, డైమండ్స్ మరియు మేకింగ్ ఛార్జీలపై ఫ్లాట్ 15 శాతం తగ్గింపు, జీరో వేస్టేజ్ వంటి ప్రత్యేక ఆఫర్లను ప్రకటించింది. ఈ ఆఫర్లు జూన్ 14 వరకు అందుబాటులో ఉండనున్నాయి. అత్యాధునిక సాంకేతికత, ఆకర్షణీయమైన డిజైన్లు మరియు అందుబాటు ధరలతో ఖమ్మం ప్రజలకు మరింత చేరువ కావాలని లాడియా లక్ష్యంగా పెట్టుకుంది.